Rettleiar for utarbeiding av private reguleringsplanar

Det er ikkje krav til varsel om oppstart. Merk: ein må gi varsel om oppstart dersom det er tvil om endringa kan gå som forenkla prosess.

Det er normalt forslagsstillar som varslar om planendring når ein er usikker om val av saksgang.

Det er ikkje krav til gjennomføring av oppstartmøte, men vi oppmoder forslagsstillar til å gjennomføre eit avklaringsmøte med kommunen før ein går vidare.

Merk: oppstartmøte skal bli gjennomført om det er vurdert at det er behov   for det - eller om det føreligg tvil om endringa kan gå som forenkla prosess.
 

Du fyller ut søknad om planendring med informasjon om kva endringa går ut på. Du skal bruke kommunen sin mal for søknad om endring etter forenkla prosess.
I tillegg skal du sende inn følgjande dokument:

• Plankart, både PDF og SOSI-fil (dersom det er gjort endringar i kartet).
• Føresegner (dersom det er gjort endringar i føresegnene). Føresegner som skal strykast må bli markert med raud skrift og gjennomstreking. Nye føresegner må bli markert med raud skrift. Når vedtak er fatta, blir føresegner som skal strykast tatt ut og raud skrift blir gjort om til svart for det som er ført til av nye.
• Eventuelt anna naudsynt dokumentasjon.
   

Kommunen sender komplett framlegg til endring ut til rørde mynde, partar, grunneigarar, festarar for uttale. Uttalefrist er normalt 3 veker.

1. Planendringa blir lagt fram som plansak og handsama i Plan-, miljø- og ressursutvalet.
2. Kommunen underretter om vedtak til råka muynde som har gitt merknadar til saka, partar, grunneigarar og festarar.
3. Planendringa blir kunngjort på kommunen si heimeside og lokalavisa

Vi sender faktura etter kommunen si gjeldande prisliste. (Gebyrregulativ)