Faktura frå Bygland kommune

Det blir gjeve søskenmoderasjon innanfor barnehage: 50% moderasjon for barn nummer to og 100% moderasjon for barn nummer tre eller fleire.

I tillegg kjem matpengar:

Det er to moderasjonsordningar for dei med låg inntekt:

•  Nasjonal ordning for reduksjon i foreldrebetalinga: ingen skal betale meir enn 6 % av husstanden si inntekt for barnehageplass. 
•  Gratis kjernetid for 2-, 3-, 4- og 5- åringar: alle 2-, 3-, 4- og 5- åringar, og barn med utsett skulestart, som bur i eit hushald med låg inntekt har rett til å få 20 timar gratis opphaldstid i barnehage per veke. Inntektsgrensa for gratis kjernetid er kr 669 050 frå 01.08.2025.

Foreldre med inntekt som ligg under grensene, må sjølv søkje om reduksjon i foreldrebetalinga. Får ein godkjent reduksjon i foreldrebetalinga, gjeld den nye satsen frå den månaden søknaden er registrert motteken i kommunen. 

Det blir gitt 50% søskenmoderasjon innanfor SFO.

Moderasjonsordningar i SFO:

• Redusert foreldrebetaling i SFO for hushaldningar med elevar på 1.–4. trinn. Familiar skal ikkje betale meir enn 6 % av hushaldninga si samla inntekt for ein SFO-plass. Ein må søke kvart år og legge ved dokumentasjon på inntekt.
• Gratis SFO for elevar med særskilte behov på 5.–7. trinn.
• 12 timar gratis SFO for elevar på 1.-2. trinn.
   

Betalingssatsane er regulert i tråd med FOR 2011-12-16-1349 «Forskrift om egenandel for kommunale helse- og omsorgstjenester». Dersom husstandens samla skattbare nettoinntekt før særfrådrag er under 2G, gir Helse- og omsorgsdepartementet ut rundskriv om fribeløp og eigenandeler kvart år som avgrensar kommunen sin moglegheit til å auke eigenandelane. Beløpet for 2G vil bli korrigert for endringar i eigenandelane etter rundskrivet frå departementet som blir kunngjort i desember 2021.

Heimesjukepleie er gratis

Merknad: 

• «Utgiftstak» pr mnd jf § 10 i «Forskrift om egenandel for kommunale helse- og omsorgstjenester».
• Kommunen kan sjølv fastsette regler for betaling av vederlag og betalingssatsar for tenestane.
• Vederlaget må ikkje overstige kommunens eigne utgifter jf sjølvkost-prinsippet.
• Satsane for inntil 2G er gitt av føresegna.

Merknad

• Det blir betalt vederlag for langtidsopphald på grunnlag av bebuar si inntekt, jf. «Forskrift om egenandel for kommunale helse- og omsorgstjenester» og jf. «Helse- og omsorgstjenesteloven § 11-2».
• Som hovudregel skal ikkje betaling overstige det som det kostar å drive ein institusjonsplass, dvs. kurdøgnpris. Dersom bebuar si inntekt fører til at eigenbetalinga blir høgare enn kurdøgnprisen, så er kurdøgnprisen det maksimale vedkomande skal betale. Kurdøgnprisen blir utrekna på følgjande måte: Netto driftsutgifter for institusjon (bebuarane sine vederlagsbetalingar, samt kapitalutgifter- og renter blir heldt utanfor) delt på totalt antal institusjonsdøgn for institusjonen.

Merknad

• Eigenbetaling jf «Forskrift om egenandel for kommunale helse- og omsorgs-tenester» § 4 og jf «Helse- og omsorgs-tenesteloven» § 11-2. Etter 60 døgn pr kalenderår, er betalinga som for langtidsopphald.
• Korttidsopphald som primært ytast for å avlaste pårørande i omsorgsoppgåvene er gratis. Jf «Forskrift om egenandel for kommunale helse- og omsorgstjenester» § 1 og jf «Helse- og omsorgstjenesteloven» § 11-2

• Husleigeinntekter frå omsorgsbustadar blir ført inn i Helse og omsorg sin rekneskap
• Husleiga på inngåtte husleigeavtalar blir auka i samsvar med husleigelova §4-2 (tilsvarar auke i konsumprisindeksen/kommunal deflator siste år).

Eigedomsskatt

Kommunen skriv ut 7 promille i eigedomsskatt på kraftverk og kraftnett. 

Kopieringsgebyr

Kostnadar til drift av kontormaskinar og programvare (kartplottar og skrivarar) er forholdsvis høge. For å dekkje noko av desse kostnadane gjevast fylgjande gebyrregulativ på utskrifter: 
Frå kartplottar: A1 + A0:               kr 112
Kopiar kostar kr 3 for A4 svart/kvitt - kr 11 for A4 farge - kr 5 for A3 svart/kvit - kr 21 for A3 farge.
Laminering kostar kr 44 for A3, kr 22 for A4, kr 12 for C5.
Merk at alle desse beløpa er ekskl. mva.
For tilsette i kommunen, er printing o gkopi i A3 og A4-format gratis.

Bevillingsgebyr

Gebyret er regulert i alkoholforskrifta kapittel 6.

Gebyret blir fastsett kvart år i samsvar med forskrift om omsetting av lkoholhaldig drikk mv. § 6-2: 
https://lovdata.no/dokument/SF/forskrift/2005-06-08-538/KAPITTEL_6#%C2%A76-2

I tillegg vil Bygland kommune tilby ein eigen sats for skjenkeløyve over kortare periodar enn 1 år, men minimum 1 månad. Denne satsen vert utrekna som følgjer:
                Skjenkeløyve, bestemt periode: x/12 x antall mnd x 1,5
Der 1,5 er ein fast takst basert på det meirarbeidet kommunen har med fortløpande handsaming av desse søknadane. Talet over brøkstreken merka "x" blir endra i samsvar med gebyrsatsen i alkoholforskrifta.

Gebyrsatsar enkelt bestemt anledning

Gebyr etter tobakkskadelova

Ein krev tilsynsavgift frå salstader for tobakksvarer og tobakksurrogatar til forbrukar i samsvar med Tobakkskadeloven §7, for å dekke kostnadar med tilsynsoppgåver.

Gebyret blir fastsett kvart år i samsvar med forskrift om registrerings- og bevillingsordning for tobakksvarer mv. §33: https://lovdata.no/dokument/SF/forskrift/2017-09-21-1446/KAPITTEL_9#§33

Gebyr etter Plan- og bygningsloven

Auken i gebyrsatsane frå 2024 - 2025 blir sett til 4,5%.

Ved behandling av søknad i to-trinn, blir halvparten av gebyret fakturert når det er gitt rammeløyve, medan resterande halvpart av gebyret blir fakturert ved igongsettingsløyve.

Kart - og eigedomsinformasjon, prisar til leverandørar 2025

Nb: For kunde kjem i tillegg påslag frå leverandør og mva.

Prisar for arbeid etter Matrikkelloven

Matrikkellova skal sikre tilgang til viktige eigedomsopplysningar, ved at det blir ført eit einsarta og pålitelig register (matrikkelen) over alle faste eigedomar i landet, derunder bygningar, bustader og adresser, og at grenser og eigedomstilhøva blir klarlagt.

Den praktiske oppmålinga blir av DFV etter at avtale med oppmålingsfirma gjekk ut 25.05.2015. Utgangspunktet er at gebyret skal dekkje totalkostnaden med tenesta. Vidare er det praktisk at beløpet rundast av til næraste heile 10 krone.

Auken i gebyrsatsane frå 2027 til 2025 blir sett til 4,5% (lønsauke) med avrunding til heile kroner.

9.1. Oppretting av Matrikkeleining

Ved samtidig oppmåling av 2 eller fleire tilgrensande tomter som er rekvirert av same rekvirent, blir det gitt ein reduksjon i pris på 15% av gebyret pr. tomt.

9.2 Oppretting av matrikkeleining utan fullført oppmålingsforretning

Gebyret blir som i punkta 1.1, 1.2, 1.4 og 1.5 pluss eit tillegg på kr 2 661,-

9.2.1 Oppretting av grunneigedom over større samanhengande areal

Gebyr for oppretting av grunneigedom over større samanhengande paresellar/ eigedomar til landbruk, allmenne fritid- og andre allmennyttige føremål skal fakturerast etter medgått tid jfr timesats i punkt 1.5 og minstepris tilsvarande 3 timar.

9.2.2 Avbrot i oppmålingsforretning eller matrikulering

Gebyr for utført arbeid når saka blir trekt før den er fullført må avvisast, eller sak som ikkje let seg matrikkelføre på grunn av endra heimelstilhøve, eller av andre grunnar ikkje kan sluttførast er sett til 1/3 av gebyrsatsane i punkt 9.1.1 – 9.1.5.

9.3 Grensejustering
9.3.1 Grunneigedom, festegrunn og jordsameige

Ved gebyr for grensejustering kan arealet for involverte eigedomar justerast med inntil 5 % av arealet på eigedomen (maksimalgrense er sett til 500 m2). Ein eigedom kan likevel ikkje avgjeve areal som i sum overstig 20 % av arealet på eigedomen før justeringa. For grensejustering til veg- og jernbaneføremål kan andre arealklassar gjelde.

9.3.2 Anleggseigedom

For anleggseigedom kan arealet justerast med inntil 5% av anleggseigedomen sitt volum, men den maksimale grensa er sett til 1 000 m2.

9.4 Arealoverføring

9.4.1 Grunneigedom, festegrunn og jordsameige

Ved arealoverføring skal oppmålingsforretning og tinglysing gjennomførast. Arealoverføring utløyser dokumentavgift. Dette gjeld ikkje arealoverføring til veg- og jernbaneføremål.

9.4.2 Anleggseigedom
For anleggseigedom kan det volum som skal overførast frå ein mattrikkeleining til ein annan ikkje vere registrert på ein tredje matrikkeleining. Volum kan berre overførast til ei matrikkeleining dersom krava for samanføying er tilstade. Matrikkeleininga skal vere eit samanhengande volum.

9.5 Klarlegging av eksisterande grense der grensa tidlegare er koordinatfastsett ved oppmålings-forretning

9.6 Klarlegging av eksisterande grense der grensa ikkje tidlegare er koordinatfastsett, eller klarlegging av rettar

9.7 Privat grenseavtale

9.8 Urimeleg gebyr
Dersom gebyret er heilt klart urimeleg i høve til dei prinsippa som er lagd til grunn, og i høve til det arbeidet og kostnadene som kommunen har hatt, så kan kommunedirektøren, eller den som han har gitt fullmakt på eige tiltak fastsette eit redusert gebyr.

Den som har fullmakt kan med same føresetnader, og på bakgrunn av grunngjeve skriftleg søknad frå den som har fått krav om betaling av gebyr, fastsette eit redusert gebyr.

9.9 Betalingstidspunkt
Gebyret skal vere betalt før kommunen utfører oppmålinga. I saker der det ikkje ender opp med dokument som krev oppmåling, eller tinglysing skal gebyret vere betalt før kommunen lagar endelege dokument i saka.

9.10 Endringar i grunnlaget for matrikkelføring av saka
Gjer rekvirenten under saka sin gang endringar i grunnlaget for matrikkelføringa av saka, vert likevel gebyret oppretthalden. 
 

Jfr. Matrikkelforskrifta § 16 fjerde ledd. 

9.12 Vinterstid
Frist til kommunen på 16 veker frå rekvisisjon gjeld ikkje for tida mellom 15. november og 1. mai. For oppmåling i område der tilkomstvegen er vinterstengt, gjeld ikkje fristen før vegen opnar. Dersom vær og føreforholda tilsei det, så vil ein strekkje seg etter å også kunne utføre oppmåling innan 16 vekers fristen i perioden 15.11 - 01.05.   
 

Handsaming av private regulerings- og detaljplanar

Samanstilt med mange andre kommunar er handsamingsgebyra for private regulerings– og detaljplanar låge. Ny plan– og bygningslov har auka dokumentasjonskrava og arbeidsmengda med denne type planar. Krav til digitalt planarkiv og handtering av dette har gjeve ei dyrare og tidsmessig meir handtering for kommunen. For å kompensere på dette vart det for 2014 føreslått ein ny struktur på gebyrlegginga for handsaming av reguleringsplanar. Dette er og meir på linje med kva andre kommunar i vår storleik har i gebyr for handsaming av reguleringsplanar, men også for å få meir realisme  i dei faktiske kostnadane for handsaminga av desse. 

14.2 Endring av reguleringsplan jf. Pbl§ 12 - 14, fyrste ledd:

For behandling av private forslag til endring av reguleringsplan 1. gong, som krev høyring, er gebyret: 

Endring av reguleringsplan jf. Pbl §12 - 14, andre ledd:

Fornying av reguleringsplanen med nytt planvedtak jf. Pbl § 12 - 4, siste ledd

14.4    Betaling av gebyr:
Gebyret skal vere betalt etter rekningsoppgåve frå kommunedirektøren før saka vert handsama første gong av det faste utvalet for plansaker, ev. anna myndig organ. Dersom planforslaget vert forkasta, vert gebyret redusert med 50 %. Gebyret vert utrekna etter den dei satsane som gjeld den dagen søknaden vert journalført.
 

Jord- og konsesjonslov

• Gebyret for handsaming av konsesjonssaker utgjer 3 promille av kjøpesummen, med eit minimumsgebyr på kr 1 000 og eit maksimalt gebyr på kr 5 000. 
• I delingssaker etter jordlova skal det betalast eit  gebyr på kr 2 000. (makssats jf eiga forskrift).

Det vert elles vist til Forskrift om gebyr for behandling av konsesjons – og delingssaker fastsett av Statens landbruksforvaltning 14.desember 2011.

Kommunale avgifter og betalingssatsar

Registert bygningstype i Matrikkelen (nasjonalt eigedomsregister) er avgjerande for kva type gebyr eigedomen skal ha. Eventuelle endringar av gebyrtype skal skje etter skriftleg og grunngjeven søknad jf. gjeldande lovar og vedteker tilhøyrande tenesteområde, eller i dei tilfella der det er søkt om og gjeve løyve til bruksendring jf. plan – og byggjelova sine reglar.  Det er søknadstidspunkt som er avgjerande for kva tid gebyrendringa eventuelt vert gjeldande ifrå. Søknadar om endring vert ikkje gjeven tilbakeverkande kraft.

Kommunen har fleksible terminer for fakturering av kommunale avgifter, der fakturamottakar kan velje kor ofte dei vil ha faktura. Les meir om dette HER. Tabellane under gjev forslag til endringar av kommunale avgifter og betalingssatsar for dei ulike ansvarsområda vatn, kloakk, renovasjon, slamtømming og feiing.

Det er føreslege i statsbudsjettet å redusere meirverdiavgifta på vatn og avløp frå 25 % til 15 % frå 01.05.25. Viss dette blir vedteke, vil prisane bli som følger frå 01.05.25:

Plombering eller opning av plombering blir fakturert etter medgått tid. Oppmøtegebyr for vassmålaravlesing blir fakturert etter medgått tid.

Tilkoplingsavgift blir fakturert når byggeløyvet det blir gitt til nybygg. For eksisterande bygg, campingvogner og bubilar, så vert tilknytingsgebyret fakturert når søknad om tilknyting er godkjent.  Årsgebyra (abonnementet  og forbruk) blir fakturert frå dato for tilkopling til det kommunale leidningsnettet.

Årsavgift (fast- og kubikk for kloakkavgift for hus, hytte og næring)

Det er føreslege i statsbudsjettet å redusere meirverdiavgifta på vatn og avløp frå 25 % til 15 % frå 01.05.25. Viss dette blir vedteke, vil prisane bli som følger frå 01.05.25:

Plombering eller opning av plombering blir fakturert etter medgått tid. Oppmøtegebyr for målaravlesing blir fakturert etter medgått tid.

Tilkoplingsavgift blir fakturert når byggeløyvet det blir gitt til nybygg. For eksisterande bygg, campingvogner og bubilar, så vert tilknytingsgebyret fakturert når søknad om tilknyting er godkjent.  Årsgebyra ( abonnementet  og forbruk ) blir fakturert frå dato for tilkopling til det kommunale leidningsnettet.

Årsavgift for slamtømming

Slamavgift (ekskl. mva) - ingen endring frå 2024 til 2025. Det er ikkje ordinær tømming av private slamavskiljarar i 2025.

Tømming på bestilling blir fakturert etter 2024-satsane frå tømmefirma og satsar sett av avfallshandsamar.
Prisliste for tømming på bestilling vil bli annonsert på Bygland kommune si heimeside når tala føreligg januar / februar 2025.

Årsavgift for renovasjon

Frå og med 2019 blei det vedteke å harmonere/utvide tilbodet innafor ordninga i tråd med Setesdal Miljø og gjenvinning sin vedtekne avfallsplan frå hausten 2017.

Utgangspunktet for eit standard abonnement ser ein i tabellen ovenfor. For å berekne ekstrakostnadane for større dunkar, så tek ein utgangspunkt i gjennomsnittsleveransen pr. år for ein dunk av standard storleik, pris på tømming av den aktuelle dunkstorleiken og talet tømmingar pr. år.      

Dei som idag har større dunkar og betalar for standard abonnement blir orientert med eigne skriv og dei nye gebyra byrjar å laupe 3 månadar etter varslet.

Levering av restavfall til Nesmoen avfallsstasjon 2 gonger pr. mnd er inkludert i gebyret for privatabonnentar. Hushaldningane skal ha abonnement for restavfall, matavfall, papp / papir / plast og glass / metall. Næringsdrivande har avtale direkte mot renovatøren.

Årsavgift for feiing

Det er ikkje differensiering i pris pr. pipe. Frå og med 2019 har Setesdal brannvesen starta med forskriftsmessig feiing og tilsyn av hytter og fritidsbustadar. Talet piper som skal førast tilsyn og feiing i vil auke. 

Symjehallen er open for alleonsdagar og fredagar frå kl. 17.00–20.00 i perioden fyrste veka etter haustferien, og fram til påske. 

Til utleige

Bygland kommune leiger ut mange lokale til både privatpersonar, lag og organisasjonar og private næringsdrivande

Utleige av rom ved Byglandsfjord og Bygland oppvekstsenter

Utlån av klasserom/ kulturscenen/ symjehall på oppvekstsentera for lag og foreiningar tilhøyrande i Bygland kommune er gratis for kurs– og møteverksemd. Det same gjeld for andre offentlege instansar eller anna kommunal verksemd. Ved leige av teknisk utstyr må ein ha godkjent personell til å handtere utstyret. Bygland kommune kan formidle kontaktinformasjon til teknisk personell ved behov for det. Nøklar kvitterast ved tenesteleiarane på oppvekstsentera. Inntekter frå utleiga tilfell ansvarsområda på oppvekstsentera innunder Drift og forvaltning. 
Eventuell utleige av kommunale bygg til overnatting krev søknad om bruksendring til Setesdal brannvesen IKS. Pris ved denne type utleige skal dekke ekstrakostnadar kommunen har ved utleiga.
 

Det kan ikkje gjerast avtale om leige av hallen utan reinhald. Leigekostnadane er pr. gong. Det kan gjerast særskilde avtalar av kommunedirektør / ordførar dersom det dukkar opp tilfelle som ikkje fell innunder dette oppsettet. T.d. sesongleige. 

Pris pr. person ved overnatting: kr. 210.- (sjå under)

Det er vedtekne eigne drifts– og bruksreglar for Ose grendehus, k – styresak nr 30 / 11 den 31.03.2011.
 

Ved utleige av huset til overnatting i regi av private aktørar kjem pris pr. pers i tillegg til pris i kombinasjon over. Andre ynskje dekkjast ved å kombinere takstane.
Leigesummen inkluderer bruk av kjøkken– og kjøkkenutstyr og sanitære anlegg.

Det skal ikkje krevjast leige for tilskipingar i regi av lag og foreiningar tilhøyrande i Bygland kommune som alle kan vere medlemmer av. Vidare skal det ikkje krevjast leige for t.d. 17 mai feiringar, joletrefestar eller andre arrangement som ikkje har private økonomiske interesser.

Det er vedtekne eigne drifts– og bruksreglar for Lokomotivstallen, k – styresak nr 31 / 11 den 31.03.2011.
 

Tilkoplingsavgift for vatnb og kloakk, oppmålingsforretning med tinglysingsgebyr kjem i tillegg.