Må eg sende inn byggesøknad?

Plan- og bygningsloven § 20-5 https://lovdata.no/lov/2008-06-27-71/§20-5 og Byggesaksforskrifta kap 4, §§ 4-1 – 4-4 lister opp tiltak du ikkje treng å søke om løyve for.

Det ligg også nyttig informasjon og digitale vegvisarar på Direktoratet for Byggkvalitet si side                                               

Hugs fritak frå søknadsplikten gjeld berre dersom tiltaket ikkje kjem i strid med plan- og bygningsloven, forskrifter, gjeldande arealplan eller anna lov. 

Plan- og bygningsloven § 20-4 https://lovdata.no/lov/2008-06-27-71/§20-4 og Byggesaksforskrifta kap. 3 §§ 3-2 og 3-2 Innledning - Direktoratet for byggkvalitet (dibk.no) lister opp kva tiltak du kan søke om og bygge sjølv.

Døme på tiltak du kan søke om og bygge sjølve er garasje inntil 70 m2, tilbygg inntil 50 m2 eller driftsbygning i landbruket.

Søknadsskjema for tiltak du kan søke om og bygge sjølv finn du på Direktoratet for byggkvalitet sine sider.

Bruk skjema som er under menyen “Tiltak utan ansvarsrett”.

Tiltak med ansvar, er større tiltak. Døme på tiltak med ansvar er ny bustad, ny fritidsbustad og garasje større enn 70 m2.

Plan- og bygningsloven § 20-3 gjeld tiltak med ansvar. 

Tiltak med ansvar er alle tiltak som ikkje er unnteke søknadsplikt, eller tiltak du kan søke om og bygge sjølve.

Du kan vere ansvarleg sjølve for oppføring av eigen bustad, fritidsbustad og garasje, dersom du har tilstrekkelig kompetanse, men det er ofte lurt å la eit føretak (f.eks. arkitekt eller byggmester) søke for deg. 

Søknadsskjema for tiltak med ansvar finn du på Direktoratet for byggkvalitet sine sider. Bruk skjema som er under menyen “Ett-trinnssøknad” eller “Søknad om rammetillatelse”