I medhald av Plan- og bygningsloven § 1-8 er byggeforbod langs vatn og vassdrag i utgangspunktet 100 meter, med mindre det er fastsett anna byggegrense i plan.
Bygland kommune har i kommuneplanen sin arealdel for Bygland 2011 – 2022,
Kap. 4, fylgjande føresegner og retningslinjer om byggegrenser langs vatn og vassdrag i Bygland.
- Otra nord for Ose bru: 50 m
- Otra sør for Ose bru: 75 m
- Område for verna vassdrag: 100 m (Njardarheim og Tovdalsvassdraget)
- Andre mindre vassdrag: 30 m (bekk som kjem fram på kart i målestokk 1:50 000)
- Off. veg – er byggegrense der offentlig veg ligg nærmare enn 75 meter
I regulert omåde kan det vere andre byggegrenser
For område der det er ein reguleringsplan, vil ofte byggegrensa mot vatn og vassdrag vise i plankartet eller gå fram av reguleringsføresegnene.
I regulert område gjeld byggegrense i plankart framfor den generelle byggegrensa i i kommuneplanen.
Kva plan som gjeld for ditt område finn du i Bygland kommune sitt planregister arealplaner.no
Dispensasjon frå byggegrense langs vatn- og vassdrag:
Dersom ein ønsker å bygge nærmare vatn og vassdrag enn byggegrense fastsett i kommuneplanen eller i reguleringsplan, kan ein søke om dispensasjon frå byggegrensa.
Generell informasjon om å søke om dispensasjon