Førehandsrøysting
Valdagen for Stortings- og sametingsvalet 2025 er måndag 8. september.
Har du ikkje høve til å røyste på sjølve valdagen kan du førehandsrøyste på Bygland kommunehuset i perioden 11. august til 5. september, kvardagar mellom klokka 10.00 og 14.00.
Adressa: Bygland kommunehus, Sentrum 18, 4745 Bygland.
Hugs å ta med legitimasjonen.
Er du usikker om du er manntalsført i Bygland kommune kan du sjekke manntallet som ligg til offentleg ettersyn på kommunehuset fram til valdagen.
Førehandsrøysting på Byglandsheimen vert kunngjort særskilt med oppslag på institusjonen.
Er du manntalsført i annan kommune kan du likevel kome innom til oss å førehandsrøyste. Vi sender til kommunen du er manntalsført i.
Røyste heime?
Veljarar som grunna sjukdom eller uføre, ikkje kan røyste i vallokale på førehand eller på valtinget, kan søkje om ambulerande røysting heime.
Slik søkjer du i Bygland kommune:
Søknad kan sendast til: Valstyret i Bygland, Sentrum, 4745 Bygland
Søknadsfrist 1. september