(Tekst: Agder fylkeskommune)
Spelemidlar til bygging og rehabilitering av anlegg for idrett og fysisk aktivitet skal bidra til at flest mogleg kan drive med både eigenorganisert aktivitet og aktivitet i regi av den frivillige medlemsbaserte idretten.
Dei viktigaste målgruppene for bruk av spelemidlar til idrettsformål er born (6–12 år) og ungdom (13–19 år).
Søknadsfrist
Frist for å sende inn søknader til Bygland kommune er onsdag 14. januar.
Søknadsskjema
Kommunen sender søknadene vidare til fylkeskommunen innan 15. januar kvart år.
Kven kan søkje?
- Kommunar/fylkeskommunar
- Idrettslag/organisasjonsledd i Norges idrettsforbund (NIF)
- Idrettslag organisert under Samisk idrettsforbund
- Samanslutningar under Norges Jeger- og Fiskerforbund
- Den Norske Turistforening
- Norges Bilsportforbund
- Det Frivillige Skyttervesen
- Aksjeselskap / allmennaksjeselskap
- Kommunale føretak
- Stiftingar
- Andre samanslutningar (t.d. borettslag og velforeningar)
Samanslutningar organisert under Friluftsrådenes Landsforbund, samt Oslofjordens Friluftsråd og Norsk Friluftsliv, kan søkje om tilskot til friluftslivsanlegg.
Kva kan det søkjast om støtte til?
Det er mogleg å søkje tilskot til bygging og rehabilitering av idrettsanlegg som er opne for allmenn idrettsleg aktivitet og som ikkje er underlagde kommersielle interesser. Det vert gitt tilskot til følgjande typar anlegg:
- Ordinære anlegg (organisert idrett og fysisk aktivitet)
- Nærmiljøanlegg (eigenorganisert fysisk aktivitet)
Krav til søknaden
Søknad om tilskot til anlegg for idrett og fysisk aktivitet, med aktuelle vedlegg, skal leverast på elektronisk søknadsskjema.
Det skal søkjast i den kommunen der anlegget er geografisk plassert. Anlegget som det vert søkt tilskot til, må inngå i ein kommunal plan.
Meir informasjon
Agder fylkeskommune - Kultur og idrett - Spelemidlar
For meir informasjon om tilskotsordninga, krav til vedlegg, godkjenningar, tilskotssatsar, ulike typar anlegg og anna, viser ein til Bestemmelser om tilskot til anlegg for idrett og fysisk aktivitet – V 0732.