Fiberutbygging

Kommunestyret har avsett midlar til vidare fiberutbygging. 

Det er ønskjeleg å bruke midlane slik at fleire område/nabolag skal få tilbod om fiberbreiband heilt inn til huset.  

Alle private fastbuande i Bygland kommune kan søke om anleggsbidrag etter dette reglementet. Ein kan i særskilde høve opne opp for å gi tilskot til fritidsbustader/bustader utan fast busetnad i bygder kor det er få fast busette. Dette vil bli handsama som eiga sak i formannskapet.

Reglement for støtte til fiberutbygging i Bygland kommune

Kommunestyrevedtak PS 75/14, 09.11.2014

Føremål

Føremålet med regelverket er å sikre at flest moglege av Bygland kommune sine innbyggjarar frå tilbod om breibandsliner basert på fiber heilt inn til huset.

Kven kan søke?

Alle private fastbuande i Bygland kommune kan søke om anleggsbidrat etter dette reglementet.

Ein kan i særskilde høve opne opp for å gjeve tilskot til fritidsbustader/bustader utan fast busetnad i bygder der det er få fast busette. Dette vil bli handsama som eiga sak i formannskapet.

Gardsbruk er inkludert i denne ordninga.

Næring kjem ikkje under denne ordninga. Næringsdrivande kan søke om tilskot til fiber som eiga næringssak.

Kriterie for støtte

• Det må vere etabler eit formalisert samarbeid med ein tilbydar av breiband.
• Breibandslinja som blir etablert i prosjektet skal vere basert på fiber heilt fram til den enkelte husstand.
• Total anleggskostnad pr. husstand som skal koblast opp i prosjektet, må overstige 20.000 kr. i eigeninnsats.
• Påkoblinga kjem i tillegg

Størrelse på tilskot

• Ein kan gi tilskot med inntil 100% av den kostnaden som overstig 20.000 kr. pr. husstand i prosjektet.
• Tilskotet blir gitt med inntil kr. 10.000 pr. husstand som blir kobla opp i prosjektet.
• Ein kan i særskilde høve auke tilskotet utover grensa på kr. 10.000. Dette blir handsama som eiga sak i formannskapet.

Satsar for eigenarbeid

Fiberutbygging - satsar for eigenarbeid

Eigenarbeid	Satsar
Oppgraving av grøft	50.- kr/m
Legging av kablar/røyr	10.- kr/m,
Lukking av grøft og opprydding	25.- kr/m

Forklaring kostnadsfordeling

• Leverandør dekker normalt 15 000 kr. til utbygginga (inkludert standard etableringsavgift frå kunden) - sjå blå søyle i diagram under.
• Kunden dekker sjølv 5 000 kr. som eigeninnsats (arbeid eller kronebeløp) - sjå raud søyle under.
• Kunden kan søke kommunen om tilskot for kostnader som overstig 20 000 jr, (leverandør + eigeninnsats) inntil 10 000 kr. - sjå grønn søyle i diagram under.
• Om kostnadane overstig 30 000 kr. (leverandør + eigeninnsats + maks ordinært tilskot), kan kunden søke om å få dekke desse ekstrautgiftene. I slike høve blir det behandla som eige sak i formannskapet - så toppsøyla i diagram under.

 

Utbetaling av støttebeløp

• Støttebeløp blir utbetalt i samsvar med tilsegn om støtte etter konkrete søknadar.
• Beløpet blir utbetalt pr. tilknytta husstand i høve til prosjektliste.

Framgangsmåte ved søknad om støtte til fiberutbygging

1. Dugnadsområde sine kontaktpersonar presenterer ei felles interesseliste til leverandør.
2. Leverandør reknar ut kostnad knytta til ei tradisjonell utbygging. Kostnadsutrekninga 
   er rettleiande, og gir alle partar ein tanke om kva ein står ovafor.
3. Med utgangspunkt i kostnadsutrekninga som er laga i punkt 2 kan leverandøren ta 
   eit møte med kontaktpersonen for området (lokalkunnskap er nøkkelen). Saman 
   kuttar ein ned på dei kostbare elementa i eit prosjekt (gravemaskin, felles føringar, 
   «øde traséar»). Det må også bli kartlagt kva ressursar som finns i området, og 
   som truleg kan brukast. Ein bør også på dette tidspunktet opplyse om eventuell hinder. 
4. Leverandøren produserer ei ny utrekning og presenterer det nye reknestykket til 
   dugnadsområdet. Naudsynte justeringar blir utført i tett samarbeid mellom leverandør 
   og området sin kontaktperson.
5. Du må søke om løyve til tiltak, jf. krav i Plan– og bygningsloven. Du søker til Bygland kommune som vil behandle søknaden og fatte vedtak.
6. Definering av rollar i høve Plan– og bygningsloven:
   - Tiltakshavar: Dugnadsområde
   - Ansvarleg søkjar: Nettselskapet
   - Ansvarleg utførande: Nettselskapet
   1. Tiltaket må ikkje vere i strid med arealføremålet i kommuneplanen. Dvs skal det leggjast fiber i såkalla LNF – område, så krev dette dispensasjons-behandling av omsyn til å vurdere eventuelt sårbart naturmiljø eller freda kulturminne e . l i leidningstraseen. 
   2. Det er laga ei eiga sjekkliste i høve framgangsmåte og moment som tiltakshavar og ansvarleg søkjar må take omsyn til jf plan – og bygningsloven. Lenke til PBL 
   3. I LNF – område vatn og land skal det sendast skriftleg søknad om dispensasjon frå arealføremålet. I område avsett til t.d. bustadområde, er det ikkje nødvendig med dispensasjon frå arealføremålet. Kart som syner kabeltrasé skal leggjast ved i høve eventuell søknad etter plan– og bygningsloven og til søknad om økonomisk støtte, dersom området er regulert til anna enn LNF - føremål.
       
7. Ved alle søknadar skal det leggjast ved skriftleg samtykkje frå alle grunneigarane 
   kabelen skal krysse. Dette samtykkje skal gi rett til legging og vedlikehald av 
   kabelen. 
8.  Søknad om økonomisk støtte blir handsama etter at det føreligg positivt vedtak jf plan- 
   og bygningsloven sine reglar.   
9. Kontaktperson frå den aktuelle grenda/området sender søknad til kommunen om
   økonomisk stønad til prosjektet basert på kostnadskalkyle i punkt 4 saman med vedtak 
   om legging av kabel jf. plan– og bygningslova. 
10. Kommunen behandlar søknad om økonomisk støtte og gir tilbakemelding om 
    vedtak.
11. Ferdig resultat blir presentert kundane i dugnadsområdet. Blir dette godteke, blir det 
    teikna kontrakt mellom leverandør og dei involverte partane, og arbeidet kan starte 
    opp. 
12. Tilskottet blir utbetala til brukarane når vi har fått skriftleg erklæring frå 
    nettleverandør om at alle er tilkopla. Denne erklæringa skal også dokumentere reelle 
    kostnadar inkl. timar med dugnadsinnsats. 
     

Sjekkliste for planlegging av fiberkabel