Søknad om utsleppsløyve for bransjen

Krav til prosjekterande

• Føretaket skal vere registrert i Foretaksregisteret
• Føretaket som utfører prosjektering skal erklære ansvarsrett i høve til plan- og bygningsloven.
• Føretaket skal ha gjennomføringsevne for oppgåvene som er omfatta av ansvarsretten dei erklærer, og oppfylle krav til kvalitetssikringsrutinar og kvalifikasjonar.
• Det som utfører grunnundersøking og prosjektering av mindre avløpsanlegg med infiltrasjon, skal dokumentere kompetanse i hydrogeologi, avløpsteknikk og jord som rensemedium, samt ha erfaring frå tilsvarande arbeid. Som grunnlag for prosjektering av avløpsanlegg med infiltrasjon i grunn (infiltrasjonsanlegg og jordhauganlegg) skal det bli utført hydrogeologiske grunnundersøkingar for å vurdere infiltrasjonskapasitet, hydraulisk kapasitet, lausmassene sin eigenskapar som rensemedium og risiko for forureining.
• Prosjektering av rensløysing skal bli utført av nøytral fagkunnig. Kven kan bli rekna som nøytral fagkunnig? Føretak som tilfredsstiller krav til både fagleg kompetanse og nøyttralitet blir rekna som nøytral fagkunnig. Føretaket skal ha fokus på å etablere den renseløysinga som er best eigna ut i frå dei naturgitte føresetnadane, miljø, brukaran sine interesser og økonomi - uavhengig av type renseløysing eller produsent.

Du kan lese meir om krava i byggesaksforskriften, tredje del, kapittel 11.

Ansvaret til prosjekterande

• Prosjektere avløpsløysinga i høve til lover, forskrifter og lokale bestemmelsar.
• VA-miljøblad og Norsk Vann rapport 262_2021 (PDF, 10 MB) skal brukast som rettleiing for dimensjonering og utforming av avløpsløysinga.
• Sjå til at tiltaket får ei best mogleg estetisk, teknisk, funksjonell og miljørett utforming.
• Sjå til at dei produkt som blir spesifisert i prosjekteringsfasen har tilstrekkeleg dokumentasjon.
• Erklære ansvarsrett Byggesaksblankett 5181 og sørge for at alle aktuelle vedlegg til søknaden blir fylt ut korrekt og levert til ansvarleg søkar.
• Dokumentere nøyttralitet.
• Bidra til at kommunikasjon med ansvarleg søkar og utførande for anlegget, slik at ansvarleg søkar kan fylle ut søknadsskjemaet korrekt, og slik at utførande bygger anlegget korrekt ut i frå prosjekteringsgrunnlaget.
• Legge til rette for eventuell kontroll innan sitt ansvarsområde og lukke eventuelle avvik.
• Levere grunnlag for gjennomføringsplan Byggesaksblankett 5185 for sin del av tiltaket til ansvarleg søkar.
• Kontrollere utføringa av infiltrasjonsanlegg, om ikkje anna firma er henta inn for å gjere dette.
• Utarbeide samsvarserklæring Byggesaksblankett 5184 ved avslutta prosjektering.
• Melde frå til ansvarleg søkar om endringar som kan medføre søknadsplikt, og endringar i ansvarsforhold.

Krav til utførande

• Føretaket skal vere registrert i Foretaksregisteret.
• Føretak som utfører anlegget skal erklære ansvarsrett i høve til plan- og bygningsloven.
• Erklære ansvarsrett Byggesaksblankett 5181 og sørge for at alle aktuelle vedlegg til søknaden blir fylt ut korrekt og levert til ansvarleg søkar.
• Føretaket skal ha gjennomføringsevne for oppgåvene som er omfatta av ansvarsretten som blir erklært, og oppfylle krav til kvalitetssikringsrutinar og kvalifikasjonar.
• Den som utfører arbeida på staden skal kunne dokumentere relevant kompetanse, til dømes utdanning som maskinentreprenør eller røyrleggar, og tilleggsutdanning i form av ADK-1 kurs eller tilsvarande.
• For nedsetting av minirenseanlegg eller tett tank skal føretaket ha minimum ADK1-sertifikat.
• For bygging av infiltrasjonsanlegg skal vedkomande kunne dokumentere erfaring frå tilsvarande arbeid, og ha tilstrekkeleg kompetanse for bygging av mindre avløpsanlegg ved til dømes kurs frå Norsk Rørsenter.
• For infiltrasjonsanlegg skal prosjekterande eller anna kvalifisert firma utføre kontroll av utføringa.

Du kan lese meir om krava i byggesaksforskrift tredje del, kapittel 11

Ansvaret til utførande

• Utføre bygging av avløpsanlegget i høve til prosjekteringsgrunnlaget, krav i forskrif og utsleppsløyvet.
• Sørge for at eigen utføring tilfredsstillar kravet frå mynde.
• Sørge for at det ligg føre tilstrekkeleg dokumentasjon for dei produkta som inngår i arbeidet.
• Erklære ansvarsrett Byggesaksblankett 5181
• Kommunisere med ansvarleg søkar og prosjekterande for anlegget, slik at ansvarleg søkar kan fylle ut søknadsskjemaet korrekt, og slik at utførande bygger anlegget korrekt ut i frå prosjekteringsgrunnlaget.
• Rapportere eventuelle prosjekteringsfeil til ansvarleg prosjekterande og ansvarleg søkar.
• Legge til rette for eventuell kontroll innan sitt ansvarsområde, og lukke eventuelle avvik.
• Levere grunnlag for gjennomføringsplan Byggesaksblankett 5185 for sin del av tiltaket til ansvarleg søkar.
• Utarbeide samsvarserklæring Byggesaksblankett 5184 ved avslutta prosjektering.
• Melde frå til ansvarleg søkar om endringar som kan medføre søknadsplikt, og endringar i ansvarsforhold.

Du kan lese meir om ansvar i byggesaksforskriften tredje del, kapittel 12 og plan- og bygningsloven §23-6

Krav til kontrollerande

I erklæring om ansvarsrett skal føretaket stadfeste at fagleg leiing oppfyller krav til relevant utdanning og praksis som følgjer av kapittel 11. Fagleg leiing i tiltaket skal bruke personell med naudsynte og relevante kvalifikasjonar for å gjennomføre det aktuelle tiltaket på ein forsvarleg måte, slik at krav gitt i eller med heimel i plan- og bygningsloven blir ivaretekne.

Du kan lese meir om krava i byggesaksforskriften tredje del, kapittel 11.

Ansvaret til kontrollerande

• Planlegge og gjennomføre fysisk kontroll av at tiltaket er i samsvar med løyvet, jamfør krav i plan- og bygningsloven, forurensingsloven og anna relevant reglelverk.
• Sørge for at det blir gjennomført ein fysisk kontroll av teikningar, utrekningar og beskrivelsar i samsvar med kontrollplanen og opp mot plan- og bygningsloven.
• Levere grunnlag for gjennomføringsplan innanfor sitt ansvarsområde til ansvarleg søkar Byggesaksblankett 5185.
• Melde frå til dei aktuelle ansvarlege føretak om avvik som blir avdekka, og følge opp avviksbehandlinga.
• Melde frå til ansvarleg søkar om avvik som ikkje blir lukka av ansvarleg føretak.
• Melde frå til kommunen dersom avvik ikkje blir lukka i tiltaket
• Dokumentere all kontroll og avvik.
• Gjere sluttkontroll.
• Utarbeide sluttrapport og kontrollerklæring Byggesaksblankett 5149 ved avslutta kontroll som viser kva som er kontrollert, kva avvik som er avdekka og korleis avvika er behandla. Denne blir levert til ansvarleg søkar.

Du kan lese meir om ansvar i byggesaksforskriften tredje, kapittel 12 og plan- og bygningsloven §23-7

Ein fullstendig søknad om løyve til å bygge små avløpsanlegg skal minimum innehalde:

1. Søknad om utsleppsløyve
2. Situasjonskart (1:1000 eller 1:1500) som viser plassering av alle delar av avløpsanlegget. Denne skal vere målsett.
3. Nabovarsling blir sendt ut i samband med søknad om utslepp (Hugs 4 vekers høyringsfrist for nabovarsel).
   • Opplysningar gitt i nabovarsel
   • Kvittering for nabovarsel Her kan ein sparte tid ved å få avkryssing og signatur frå nabo både på mottatt varsel og samtykke til tiltaket.
4. Erklæring om ansvarsrett Eitt skjema for kvart involverte føretak.
5. Gjennomføringsplan
6. Grundig og detaljert dokumentasjon av prosjekteringa. Vurderingar, utrekningar og konklusjonar.
7. Oversikt over andre interesser som er med i vurderinga