Om du skal ta jegerprøven, må du ha eit obligatorisk kurs og ein elektronisk eksamen. Når du har bestått eksamen, blir du automatisk reistrert i Jegerregisteret.
Du kan avlegge jegerprøveeksamen frå det året du fyller 14 år. Du må betale ei eksamensavgift.
For å ta eksamen, treng du appen Jegerprøveeksamen. Du kan laste ned appen og registrere deg når du startar jegerprøvekurset.
Jegerregisteret
Du blir registrert i jegerregisteret etter å ha gjennomført og bestått jegerprøven. Det gir deg rett til å utøve småviltjakt og fangst sjølvstendig, etter at du har fylt 16 år. Du kan utøve sjølvstendig storviltjakt frå fylte 18 år.
Jaktkort
Du treng dokumentasjon på at du er registrert og har betalt jegeravgift når du kjøper jaktkort, i samband med kontroll under jakt og når du skal ta over eller kjøpe våpen og ammunisjon.
Her kan du finne ut kva opplysningar som er registrert på deg i Jegerregisteret, betale jegeravgift og bestille jegeravgiftskort.