Kunnskapsgrunnlag inkl. folkehelseoversikt 2024

10.1 Kulturtilbod og kulturaktivitet

Norsk kulturindeks er ei årleg oversikt over kulturtilbod og kulturaktivitet i norske kommunar. Telemarkforsking har rangert kommunane i Noreg med bakgrunn i ei rekke datakjelder. Kommunane blir rangert i ti kategoriar samt ei samla rangering som er summen av desse ti. I den samla rangeringa ligg Bygland på 182. plass i 2022. Bygland si rangering i dei ulike kategoriane er vist i tabellen under.

10.2 Frivilligheit

Fritidstilbod er ein viktig del av barn og unge sin oppvekst. Deltaking i ulike fritidsaktivitetar gir moglegheit til å gjere noko saman med andre, vere ein del av eit fellesskap, få nye venner, vere aktive og oppleve meistring. I undersøkinga Ungdata 2022 Frivillig innsats er en viktig kraft for betre levekår og gode nærmiljø – at det finst eit mangfald av arenaer som verkar inkluderande, trivselsbyggande, aktiviserande og tillitsskapande i lokalsamfunnet gir ein meirverdi for regionen, den enkelte kommune og den enkelte innbyggjar. 
Bygland frivilligsentral er ein motor i det frivillige arbeidet i kommunen. Det har vore opp i 80 frivillige knytt til sentralen, men pandemien har sett deltakinga noko tilbake. Det har også vore ein nedgang i aktivitetar etter pandemien. 

10.3 Fritidstilbod

Fritidstilbod er ein viktig del av barn og unge sin oppvekst. Deltaking i ulike fritidsaktivitetar gir moglegheit til å gjere noko saman med andre, vere ein del av eit fellesskap, få nye venner, vere aktive og oppleve meistring. I undersøkinga Ungdata 2022 blei ungdommane bedt om å svare på spørsmål om det hender at foreldra/føresette manglar pengar til å betale for fritidsaktivitetar dei ønskjer å delta i. Omfanget av ungdom som opplever at foreldra av og til eller ofte manglar pengar til å betale for fritidsaktivitetar er likt som landet som heilheit.
I Bygland er det 11% av elevane i ungdomsskulen og 14% av elevane i vidaregåande skule som manglar pengar til fritidsaktivitetar. 
Det er stor variasjon mellom kommunane i Agder når det gjeld ungdom si deltaking i organiserte aktivitetar. Dette gjeld både blant ungdom i vidaregåande skole og ungdomstrinnet. For å måle ungdom si deltaking i organiserte fritidsaktivitetar i Ungdata, så blei ungdommane bedt om å svare på spørsmål om kor mange gonger den siste månaden dei har vore med på aktivitetar, møter eller øvingar i organisasjonar, klubber eller lag.
I Bygland er det 69% av elevane i ungdomsskulen som er med i ein organisasjon, klubb, lag eller foreining, medan delen går ned til 39% for elevane i vidaregåande skule.

 

10.4 Kulturskule

Dei kommunale kulturskulane er viktige for kulturaktivitetane og kulturarbeidet i heile landet, og ein av hjørnesteinane i den kulturelle grunnmuren. Det utgjer og eit viktig fritidstilbod for barn og unge. Tabellen under syner talet på elevar i Bygland i den kommunale kulturskulen.

10.5 Idrettsaktivitet og anlegg

Norsk idrettsindeks 2021 frå Telemarksforsking er ei oversikt over idrettsaktivitet og idrettsanlegg i Noreg. Den består av følgjande indikatorar og har følgjande resultat for Bygland kommune:
Idrettsaktivitet (aktivitet relativt til folketal) – 19,4% (#274 av 356 kommunar)
Anleggsdekning (talet på idrettsanlegg pr. innbyggjarar) – 424,3 poeng (#46 av 356 kommunar)
Utgifter til idrett (netto driftsutgifter pr. innbyggjar) – 2452 kr (#22 av 356 kommunar)
Anleggsregisteret inneheld oversikt over alle anlegg i heile landet. Under er anlegga er registrert i Bygland kommune.
 

10.6 Kulturminnevern

I dag blir dei fleste nye registreringar av kulturminne gjort som følge av undersøkingsplikta ved offentlege og større private tiltak samt ved reguleringsplanar. Tilveksten av kjente kulturminne blir derfor i stor grad spegla av dagens utbyggingsaktivitet. Kommunane har eit hovudansvar for å forvalte verneverdige kulturminne.

Oversikt over freda bygningar i privat eige, SEFRAK og tilskot frå Norsk kulturminnefond.

10.7 Oppsummering

Kultur, idrett, fysisk aktivitet og friluftsliv, samt arenaer for tru og livssyn, er viktig for innbyggane sine levekår. Dei bidrar til å utvikle kreativitet og god folkehelse, og til deltaking og sosial integrering. Frivillig sektor er ein sentral del av Bygland sitt kulturliv. Bruken av kulturtilbod og deltaking i fritidsaktivitetar har dei seinare åra vore prega av koronapandemien og restriksjonane som blei innført – slik at tilbod, aktivitet og deltaking har vore redusert. Det er derfor vanskeleg å konkludere tydeleg når det gjeld utviklingstendensar dei seinare åra. Skuldast for eksempel nedgangen i ungdommen si deltaking i organiserte fritidsaktivitetar pandemi, eller er det uttrykk for ei meir langsiktig utvikling. Det blir det viktig å følge med framover på om deltaking i aktivitet, frivillig engasjement og bruk av kulturtilbod aukar igjen, eller om nedgangen fortsett.