4 Opptak
Bygland kommune er ein opptakskrins. Kommunedirektøren er opptaksmynde, og har vidare delegert dette til tenesteleiar. Dato for hovudopptak er 1. mars. Søknadsfrist vert annonsert på kommunens digitale plattformer. Søknad om opptak blir gjort i føresettportalen i Visma Flyt Barnehage. Det er mogleg å søkje på tre ulike alternativ: Tre, fire eller fem faste dagar i veka. Endringar i opphaldstid undervegs i året må skje via Visma. Føresette kan kjøpe ekstradagar dersom det er ledig kapasitet i barnehagane i høve til lovkrav om bemanning og areal. Det er mogleg å søkje om plass i barnehagen utanom hovudopptaket. Då vert det tildelt plass dersom eller når det er ledig plass i høve til grunnbemanning og pedagognorm. Startdato kjem fram i vedtaket som vert fatta i samband med opptaket. Barnehageplassen gjeld fram til sommarstenging det året barnet byrjar på skulen. Dersom barn får innvilga utsett skulestart, beheld barnet plassen i barnehagen utan ny søknad.