Seksjonering av uteareal

Når ein seksjonerer uteareal, vil areala bli tinglyst som tilleggsarealer til seksjonene. Dette betyr at seksjonane får eksklusiv einerett til bruk av arealet.

I utgangspunktet står ein fritt til å fordele utearealet sjølv, men det er likevel nokre vilkår som må vere oppfylt:

1. Alle som eig ein seksjon skal ha moglegheit til å kome fram til eigen seksjon frå fellesarealet.
2. Uteareal som er vedteke som fellesareal i byggjeløyve eller reguleringsplan kan ikkje bli fordelt til einskilde seksjonar. Desse må framleis vere fellesareal.
3. Om felles stoppekran og felles sikringsskap er plassert utandørs, må dette arealet vere fellesareal.

Slik søkjer du

Ein søkjer om seksjonering av utearealet ved å fylle ut søknadskjema for Rekvisisjon av oppmålingsforretning og sendar det saman med seksjoneringsøknaden/reseksjonering.

Lenke til søknadsskjema

Oppmålingsforretninga må vere gjennomført før seksjoneringa kan bli ført i matrikkelen, og før seksjoneringsbegjæringa kan bli sendt til tinglysing.

Dokumentasjon til søknaden

• Situasjonskart der det er teikna inn fordelinga av uteareala. Det må vere markert tydeleg for kvart uteareal med «seksjonsnummer» og fellesareala med «fellesareal»

Dersom areala er koordinatfesta i plan eller allereie oppmålt, kan ein dele opp utearealet digitalt utan oppmålingsforretning.

Send inn søknad

Søknad i to eksemplar med vedlegg skal du sende til:

Bygland kommune
Sentrum 18
4745 Bygland