Det blir tilrådd at eigarane tek jamleg kvalitetskontroll av brønn-/borevatnet sitt. Ta kontakt med kommunen i høve rettleiing om prøveflasker og overlevering til analyse. Analysekostnaden må brønneigar dekke sjølv, men kommunen tilbyr overlevering av prøver gjennom eige prøvetakingsprogram.
Folkehelseinstituttet har laga ein fin rettleiar som omhandlar private drikkevassforsyningar. Denne kan du lese her: Drikkevann i spredt bebyggelse og på hytta - FHI
Deler du brønn med naboen?
Brønnar som gir drikkevatn til meir enn ei bueining (heilårsbustad/fritidsbustad), skal bli registrert hjå Mattilsynet.
I skjemaet registrerer du vassforsyningssystemet si plassering ved å markere staden på kartet, og det er kun nokre få tilleggsspørsmål du må svare på. Det skal kun registrerast eitt skjema per brønn/borebrønn.
Kravet om registrering er heimla i drikkevannsforskriften §17.